Օգտակար Խորհուրդներ

 Մեկ հաճախորդի սպասրկման նյութածախսի հաշվարկը

Սյուզի Վայս-Ֆիշմանի` OPI ընկերության գեղարվեստական տնօրենի էքսկլյուզիվ խորհուրդները


Սյուզի Վայս-Ֆիշմանը` ընկերության հիմնադրման պահից OPI-ի անփոխարինելի գեղարվեստական տնօրենը, համաշխարհային մատնահարդարման նորաձևության գուռուն է: Հիմնականում նրա fashion-ինտուիցիայի շնորհիվ է, որ յուրաքանչյուր OPI-ի լաքերի հավաքածուի երանգները անվիճելիորեն համապատասխանում են նոր միտումներին:

 "Ֆրանսիական հավաքածուի" (աշուն/ձմեռ 08-09) շնորահանդեսի ժամանակ Սյուզին  բացահայտեց գեղեցիկ ձեռքերի և խնամված եղունգների գաղտնիքները: Որոնց հետևելով հեշտությամբ կարելի է ձեռքերը վերածել արվեստի գործի:

Ձեռքից ձեռք

Ձեռքերի գեղեցկության հիմնական գաղտնիքը Սյուզին համարում է մերսումը, լինի դա մասնագիտական, թե ոչ: 5 րոպեանոց շոյումը, մատների և դաստակների  տրորումը կարող է երակարացնել մաշկի երիտասարդությունը, վերացնել չորությունը և նույնիսկ նեղացնել ուռած երակները: Շոյել և տրորել անհրաժեշտ է նաև  ափերը:

Խարտոցներ

Եղունգի խարտման գլխավոր կանոնին (խարտոցը պետք է շարժվի մի ուղղությամբ` շերտավորումից խուսափելու համար) Սյուզին ավելացնում է ևս մի քանիսը: Առաջինը` երբեք չխարտել եղունգները կողքից, դա բարակեցնում է եղունգը և բերում է կոտրվածության: Երկրորդը` չհղկել վնասված և շերտավորված հատվածում:Դա կբարդացնի վիճակը: Ավելի լավ է միանգամից սղոցել եղունգը: Երրորդը` խարտոցը պետք է լինի փափուկ, մանրագույն աբրազիվային մասնիկներով:


Ըստ ձևի

Դեռևս մոդայիկ են բնական և սահուն ձևի եղունգները: Ոչ մի քառակուսի, եռանկյունի կամ այլ երկրաչափություն:Կատարյալ տարբերակ է, երբ եղունգի ազատ եզրը կրկնում է իր օթյակի ուրվագիծը:

Ինչպես կտրել

Սյուզին կտրականապես դեմ է կուտիկուլայի կտրելուն: Համարում է, որ դա կարելի է անել միյան հրատապ անհրաժեշտության դեպքում: Կուտիկուլան հարկ է փափկեցնել հատուկ նյութերով և հեռացնել: Եթե այդպես անել հաճախակի, կուտիկուլան ուղղակի կդադարի աճել: Հատկապես, եթե շաբաթը մի քանի անգամ սնուցեք այն հատուկ յուղով: Դա կպահպանի մանիկյուրը հիանալի վիճակում, և Դուք այլևս մկրատ վերցնելու ցանկություն չեք ունենա:

Համառոտ

Եղունգների երկարությունը կախված է ոչ միայն մեր ցանկությունից, այլև դրանց վիճակից: Եթե ընդունել կալցիումով և ցինկով վիտամինային կոմպլեքսեր, հաճախակի մանիկյուր անել ամրացնող բազայով, եղունգները  կսկսեն լավ աճել և չեն կոտրատվի: Շատ երկար եղունգները գռեհիկ և հնաոճ են: Պոդիումը դեռևս թելադրում է օրենքը. "ինչքան կարճ` այնքան լավ": Եղունգի ընդունելի առավելագույն երկարությունը չպետք է գերազանցի եղունգի հարթակի 1/3-ը:


ԻՆչպե՞ս ընտրել ճիշտ գույնի լաք

Եթե Ձեր առջև գույների 300 երանգներ են, իսկ բյուջեն նախատեսված է մեկ-երկու սրվակի (флакон) համար, այդ դեպքում  ընտրություն կատարելը բավականին դժվար է: Բայց ամեն ինչ հնարավոր է, եթե այդ հարցին մտածված մոտեցում ցուցաբերել: Ամենակարևորը` խուճապի չմատնվել:
Մանրամասն >>